🧠 🚫 🌑 അക്ബർ ആവർത്തിച്ചു പറഞ്ഞ ഒരു കാര്യം

ചോദ്യം 

അക്ബർ ആവർത്തിച്ചു പറഞ്ഞ ഒരു കാര്യം, അല്ലാഹു ഉപമ പറഞ്ഞതു തന്നെ ആണെങ്കിലും പറഞ്ഞത് അല്ലാഹുവായതുകൊണ്ട് ആര് ഏതു സാഹചര്യത്തിൽ നോക്കിയാലും അതായത് ശാസ്ത്രജ്‌ഞനോ ഭാഷാ ജ്‌ഞാനിയോ വിദൂരഭാവിയിൽ നിന്ന് ഒരാളോ ആര് തന്നെയായാലും അവരുടെ ജ്‌ഞാനത്തിനു വിരുദ്ധമല്ലാത്ത അല്ലാഹുവീയമായ ഒരു സമഗ്രത ഖുർആനിന് ഉണ്ടായിരിക്കുമെന്നാണ്. ഇതാണ് വിശ്വാസം. ഇത്തരത്തിലുള്ള ദൃഢവിശ്വാസങ്ങൾ ആത്യന്തികമായി മനുഷ്യപുരോഗതിക്ക് ദോഷം ചെയ്യുമെന്ന് ഈ പാവം ക്രൂരന്മാർ അറിയുന്നില്ല. സംശയമുള്ളിടത്തേ കണ്ടെത്തലുകളുള്ളൂ.

മറുപടി 

എന്നാൽ ബുദ്ധി പണയം വെക്കലല്ല മറിച്ച് പ്രപഞ്ചത്തിന്റെ കൃത്യതയെ തിരിച്ചറിയലാണ്. ഖുർആൻ ആവർത്തിച്ച് പറയുന്നത് നിങ്ങൾ ചിന്തിക്കുന്നില്ലേ? നിങ്ങൾ ദൃഷ്ടാന്തങ്ങളെ നിരീക്ഷിക്കുന്നില്ലേ? എന്നാണ്. പ്രപഞ്ചത്തിന് പിന്നിൽ ഒരു സ്രഷ്ടാവും കൃത്യമായ നിയമങ്ങളുമുണ്ടെന്ന (Laws of Nature) ദൃഢവിശ്വാസമാണ് ശാസ്ത്രജ്ഞന്മാരെ ഗവേഷണത്തിന് പ്രേരിപ്പിക്കുന്നത്. പ്രപഞ്ചം ക്രമരഹിതമാണെന്ന് (Random) കരുതുന്നവർക്ക് അതിലെ നിയമങ്ങൾ കണ്ടെത്താൻ കഴിയില്ല. മുസ്‌ലിം ലോകത്ത് ശാസ്ത്രവും പുരോഗതിയും ഉച്ചസ്ഥായിയിൽ നിന്ന കാലത്താണ് ഏറ്റവും വലിയ കണ്ടെത്തലുകൾ നടന്നത്. അൽ-ഖവാരിസ്മി (ഗണിതം), ഇബ്നുൽ ഹൈഥം (ഒപ്റ്റിക്സ്), ഇബ്നു സീന (മെഡിസിൻ) തുടങ്ങിയവരൊക്കെ ഖുർആനിൽ ദൃഢവിശ്വാസമുള്ളവരായിരുന്നു. ഖുർആൻ നൽകിയ ആത്മവിശ്വാസമാണ് അവരെ പുതിയ കണ്ടെത്തലുകളിലേക്ക് നയിച്ചത്. വിശ്വാസം പുരോഗതിക്ക് തടസ്സമായിരുന്നെങ്കിൽ ഈ സുവർണ്ണകാലം ഉണ്ടാകുമായിരുന്നില്ല. അക്ബർ പറഞ്ഞതുപോലെ ഖുർആനിലെ വചനങ്ങൾ എല്ലാ കാലത്തുള്ളവർക്കും അവരവരുടെ അറിവിനനുസരിച്ച് സത്യമായി അനുഭവപ്പെടുന്നു എന്നത് അതിന്റെ ദൈവീകതയുടെ തെളിവാണ്. 1400 വർഷം മുൻപുള്ള ഒരു അറബിക്ക് ആഴക്കടലിലെ ഇരുട്ട് എന്നത് ഒരു ലളിതമായ ഉപമയായിരുന്നു. എന്നാൽ ഇന്നത്തെ ഒരു സമുദ്രശാസ്ത്രജ്ഞന് അത് Internal waves ഉം Light absorption layers ഉം ആണ്. രണ്ട് കാലഘട്ടത്തിലെയും അറിവിനോട് ഖുർആൻ ഒത്തുപോകുന്നു. ഇത് മനുഷ്യപുരോഗതിയെ തടയുകയല്ല മറിച്ച് മനുഷ്യന്റെ അറിവിനെ സത്യത്തോട് ചേർത്തുനിർത്തുകയാണ് ചെയ്യുന്നത്. സംശയമുള്ളിടത്തേ കണ്ടെത്തലുകളുള്ളൂ എന്നത് ഒരു പരിധി വരെ ശരിയാണ്. എന്നാൽ ശാസ്ത്രം വളരുന്നത് വെറും സംശയത്തിലല്ല മറിച്ച് സത്യം കണ്ടെത്താനുള്ള താല്പര്യത്തിലാണ് (Curiosity). ഖുർആൻ നൽകുന്ന ദൃഷ്ടാന്തങ്ങൾ മനുഷ്യനെ കൂടുതൽ ആഴത്തിൽ ചിന്തിക്കാനും പുതിയ കാര്യങ്ങൾ കണ്ടെത്താനുമാണ് പ്രേരിപ്പിക്കുന്നത്. ദൃഢവിശ്വാസം പുരോഗതിക്ക് തടസ്സമാണെങ്കിൽ ഖുർആനിൽ വിശ്വസിച്ചിരുന്ന ലോകപ്രശസ്തരായ ശാസ്ത്രജ്ഞർ എങ്ങനെ ഇത്രയധികം കണ്ടുപിടുത്തങ്ങൾ നടത്തി? സംശയം മാത്രം കൈമുതലായുള്ളവർക്ക് പ്രപഞ്ചത്തിലെ ക്രമബദ്ധമായ നിയമങ്ങൾ എങ്ങനെ കണ്ടെത്താൻ കഴിയും? ഖുർആൻ ചിന്തിക്കാൻ പ്രേരിപ്പിക്കുമ്പോൾ അതിനെ പുരോഗതിക്ക് തടസ്സമെന്ന് വിളിക്കുന്നത് അറിവ്ഇല്ലായ്മ അല്ലേ?

Rauf Bovikanam