📖 ⚔️ 🛡️ഇസ്ലാമിലെ നന്മകൾ

വിമർശനം:

മെഴുകാതെ പോടാ. ഇസ്ലാമിലെ നന്മകൾ ഒക്കെ അല്ലാഹു എന്ന ആറാം നൂറ്റാണ്ടിലെ ഗോത്റഡൈബത്തിൽ വിശ്വസിക്കുന്നവർക്ക് ഉള്ളതാണ്. അല്ലാത്തവരെ ഒക്കെ ഈ പിരമിഡ് സ്കീമിൽ ചേരാൻ നിർബന്ധിക്കാനും അല്ലാത്തവരെ തഞ്ചത്തിൽ കഴുത്ത് ചെത്താനും മമ്മദ് ആയത് ഇറക്കിയത് ഞമ്മളും വായിച്ചിട്ടുള്ളതാണ്.

മറുപടി:

ഇസ്‌ലാം ഒരു ബിസിനസ് സ്കീമല്ല. ഒരാൾ ഇസ്‌ലാമിലേക്ക് വരുന്നത് കൊണ്ട് പ്രവാചകനോ അല്ലാഹുവിനോ ഒരു ലാഭവുമില്ല. പകരം, മനുഷ്യർക്കിടയിലെ ഉച്ചനീചത്വങ്ങൾ അവസാനിപ്പിച്ച്, കറുത്തവനും വെളുത്തവനും അറബിയും അനറബിയും ഒരുമിച്ച് നിൽക്കുന്ന ഒരു സാഹോദര്യമാണ് ഇസ്‌ലാം വിഭാവനം ചെയ്തത്. 1400 വർഷങ്ങൾക്കിപ്പുറവും ലോകത്തിന്റെ എല്ലാ കോണിലും ഈ മതം പടരുന്നത് ആളുകളെ പേടിപ്പിച്ചിട്ടല്ല, മറിച്ച് ഇതിലെ നീതി കണ്ടിട്ടാണ്. കഴുത്ത് ചെത്താൻ ആയത്തിറക്കി" എന്ന് പറയുന്നവർ ആ വചനങ്ങളുടെ പശ്ചാത്തലം ബോധപൂർവ്വം മറച്ചുവെക്കുന്നു. സമാധാന കരാർ ലംഘിക്കുകയും, മുസ്ലിങ്ങളെ അവരുടെ വീടുകളിൽ നിന്ന് ആട്ടിയോടിക്കുകയും, സ്ത്രീകളെയും കുട്ടികളെയും പീഡിപ്പിക്കുകയും ചെയ്ത ശത്രുക്കളോട് യുദ്ധഭൂമിയിൽ വെച്ച് പതറാതെ പോരാടാനാണ് ഖുർആൻ കൽപ്പിച്ചത്. യുദ്ധക്കളത്തിൽ ശത്രുവിനോട് 'പൂച്ചെണ്ട്' നൽകണമെന്നാണോ നിങ്ങൾ പറയുന്നത്? ഏതൊരു രാജ്യത്തിന്റെയും ഡിഫൻസ് (Defense) നിയമം തന്നെയാണ് ഖുർആനും പറഞ്ഞത്. നിര്‍ബന്ധിത മതപരിവര്‍ത്തനം ഖുർആൻ വിരുദ്ധമാണ്: മതത്തിൽ ചേരാൻ നിർബന്ധിക്കണമെന്ന് ഖുർആൻ ഒരിടത്തും പറഞ്ഞിട്ടില്ല. പകരം ഖുർആൻ കൃത്യമായി പറയുന്നു: മതത്തിന്റെ കാര്യത്തിൽ യാതൊരു നിർബന്ധവുമില്ല. സത്യം അസത്യത്തിൽ നിന്ന് വ്യക്തമായി വേർതിരിഞ്ഞു കഴിഞ്ഞിരിക്കുന്നു." (ഖുർആൻ 2:256) പിന്നെങ്ങനെയാണ് നിർബന്ധിച്ചു ചേർക്കുന്നു എന്ന് നിങ്ങൾ പറയുന്നത്? വാളുകൊണ്ട് പടർന്ന മതമായിരുന്നു ഇസ്‌ലാമെങ്കിൽ ഇന്ന് ലോകത്ത് ഏറ്റവും കൂടുതൽ മുസ്ലിങ്ങളുള്ള ഇന്തോനേഷ്യയിലും മലേഷ്യയിലും ഏത് മുസ്ലിം സൈന്യമാണ് പോയത്? അവിടെയൊക്കെ കച്ചവടക്കാരുടെ സത്യസന്ധത കണ്ടാണ് ആളുകൾ ഇസ്‌ലാമിനെ ഇഷ്ടപ്പെട്ടത്. ആറാം നൂറ്റാണ്ടിലെ 'ഗോത്രദൈവം'?: അല്ലാഹു എന്നത് ഒരു ഗോത്രദൈവമല്ല. ഖുർആൻ തുടങ്ങുന്നത് തന്നെ "ലോകരക്ഷിതാവായ അല്ലാഹുവിന് സ്തുതി" (റബ്ബിൽ ആലമീൻ) എന്ന് പറഞ്ഞുകൊണ്ടാണ്. ഒരു ഗോത്രത്തിന് മാത്രമായിരുന്നെങ്കിൽ അത് 'റബ്ബിൽ ഖുറൈശീൻ' എന്ന് ആകുമായിരുന്നു. പ്രപഞ്ചത്തിന്റെ സൃഷ്ടാവിനെ ഒരു ഗോത്രത്തിനുള്ളിൽ ഒതുക്കാൻ നോക്കുന്നത് നിങ്ങളുടെ ചിന്താപരമായ ദാരിദ്ര്യമാണ്. മെഴുകുന്നത് ഞാനല്ല സുഹൃത്തേ, ചരിത്രം പകുതി മാത്രം വായിച്ച് ബാക്കി സ്വന്തം വിദ്വേഷം കൊണ്ട് പൂരിപ്പിക്കുന്ന നിങ്ങളാണ്. യുദ്ധഭൂമിയിലെ നിയമങ്ങളെ സമാധാനകാലത്തെ നിയമങ്ങളായി തെറ്റിദ്ധരിപ്പിക്കുന്നത് പച്ചക്കള്ളമാണ്. ഇസ്‌ലാം നിന്നെപ്പോലെയുള്ള വിമർശകർക്ക് നൽകുന്ന മറുപടി നിന്റെ അധിക്ഷേപങ്ങളല്ല, മറിച്ച് ലോകമെങ്ങും ഉയരുന്ന അതിന്റെ സമാധാനത്തിന്റെ സന്ദേശമാണ്. 1400 വർഷം മുമ്പത്തെ ഗോത്രനിയമമാണെങ്കിൽ അത് ആ മരുഭൂമിയിൽ തന്നെ അവസാനിക്കുമായിരുന്നു. ഇത് ഇന്നും ഹൃദയങ്ങൾ കീഴടക്കുന്നുണ്ടെങ്കിൽ അതിൽ നീ കാണാത്ത എന്തോ ഒരു സത്യമുണ്ട്. അത് മനസ്സിലാക്കാൻ പക്ഷപാതമില്ലാത്ത ഒരു മനസ്സ് വേണം."

Rauf Bovikanam