🌍🔓❤️ യുക്തിവാതി 5

യുക്തിവാതി:

വിശാല മനസ്സുണ്ടാകിൽ പിന്നെ ഖുർആനിന്റെ പ്രസക്തി എന്താ ?

മറുപടി:

സുഹൃത്തേ താങ്കളുടെ ഈ വാദം എനിക്ക് നല്ല കാഴ്ചശക്തി ഉണ്ടെങ്കിൽ പിന്നെ എന്തിനാണ് വെളിച്ചം? എന്ന് ചോദിക്കുന്നത് പോലെയാണ്. ഗൈഡൻസ് (വഴികാട്ടി) എത്ര വലിയ വിശാലമനസ്കനായ ഡ്രൈവർ ആണെങ്കിലും അയാൾക്ക് ലക്ഷ്യസ്ഥാനത്ത് എത്താൻ ഒരു മാപ്പോ അല്ലെങ്കിൽ ജി.പി.എസ് (GPS) ഓ ആവശ്യമാണ്. വിശാല മനസ്സ് എന്നത് സത്യം ഉൾക്കൊള്ളാനുള്ള ഒരു കഴിവ് മാത്രമാണ്. എന്നാൽ ആ മനസ്സിലേക്ക് പകർന്നു നൽകേണ്ട സത്യം എന്താണെന്നും, ജീവിതത്തിന്റെ ലക്ഷ്യം എന്താണെന്നും പറഞ്ഞുതരുന്നത് ഖുർആൻ എന്ന വഴികാട്ടിയാണ്. മനുഷ്യന്റെ ബുദ്ധിയും മനസ്സാക്ഷിയും പലപ്പോഴും സാഹചര്യങ്ങൾക്കും വികാരങ്ങൾക്കും അടിമപ്പെടാറുണ്ട്. ഇന്ന് വിശാല മനസ്സ് എന്ന് വിശേഷിപ്പിക്കപ്പെടുന്ന പല കാര്യങ്ങളും നാളെ വലിയ തെറ്റായി മാറിയേക്കാം. എന്നാൽ കാലാതീതമായ ശരികളും തെറ്റുകളും എന്താണെന്ന് മനുഷ്യന് പഠിപ്പിച്ചു കൊടുക്കാൻ സ്രഷ്ടാവിൽ നിന്നുള്ള ഒരു പ്രമാണം ആവശ്യമാണ്. ഖുർആൻ തന്നെ പറയുന്നത് ഇത് ചിന്തിക്കുന്നവർക്ക് ദൃഷ്ടാന്തമാണ് എന്നാണ്. അതായത് വിശാല മനസ്സുള്ളവർക്ക് ഖുർആൻ പ്രസക്തമാകില്ല എന്നല്ല മറിച്ച് ഖുർആൻ എന്ന വെളിച്ചം ഉപയോഗപ്പെടുത്താൻ വിശാലമായ മനസ്സ് അത്യാവശ്യമാണ് എന്നാണ്. കണ്ണുണ്ടായതു കൊണ്ട് മാത്രം കാര്യമില്ല, കാണാൻ വെളിച്ചം കൂടി വേണം. ആ വെളിച്ചമാണ് ഖുർആൻ. വിശാല മനസ്സ് എന്നത് അച്ചടക്കമില്ലായ്മയല്ല. ഒരു കായിക താരം തന്റെ കഴിവിൽ പൂർണ്ണ വിശ്വാസമുള്ളവനായാലും അയാൾ നിയമങ്ങൾ (Rules) പാലിച്ചേ മതിയാകൂ. അതുപോലെ മനുഷ്യൻ ഈ ഭൂമിയിൽ എങ്ങനെ ജീവിക്കണമെന്ന കൃത്യമായ റൂൾ ബുക്കാണ് ഖുർആൻ.

Rauf Bovikanam